Joan den azaroan Nekazaldian eman nuen hitzaldiari interesgarri iritzita, hura beste foro batzuetara eramatea proposatu zidaten Munduko Landagunea eta Artzain Mundua elkarteek.
Honenbestez, Donostiako ESTEn izan nintzen orain hiruzpalau aste eta Eskoriatzan atzo, Mondragon unibertsitatean, gai beraren inguruan hitz egiten.
Hitzaldiaren haritik sortu diren hiru irakurgai labur proposatu nahi ditut aste honetan:
.- Asteleheneko Goienkarian egin zidaten elkarrizketa, herenegun argitaratu zena.
.- Gaur Goio Aranak bere blogean sareratu duen nire hitzaldiaren laburpen modukoa.
.- Eta berari erantzunez bertan utzi diodan iruzkina.
Aurrenekoak ondo jasotzen du hitzaldiaren nondik norakoa. Bigarrenak komunikazioaren inguruan esandakoei heltzen die, nekazal munduaz ikusitakoak alde batera utzita. Eta hirugarrenak, blog honetan egiten saiatzen naizenaren bidetik, ekarpena egin nahi du komunikazioaren alorrean.
