Diseinu elebiduna (I)

welsh language boardGalesera Hizkuntzaren Kontseiluak helburu oso zehatz bat betetzeko sustatzen du “A guide to bilingual design”:

The purpose of this publication is to give advice and guidance on good practice in the context of bilingual design.

Hau da, diseinuaren inguruko argibide eta aholkuak ematen dira bertan (letra motak, koloreak, maketazio egiturak eta abar nola aplikatu) elebidunak izan nahi duten komunikazio piezetan (prentsa iragarkietan, karteletan, foiletoetan, txostenetan, webguneetan…) hizkuntza batek ez dezan izan besteak baino presentzia edo garrantzia handiago.

1996. urtean plazaratu omen zuten gidaren aurreneko edizioa, 1998. urtean bigarrena, eta milaka ale banatu omen dituzte honezkero, hedapen ikaragarria lortuz, Galesko eta inguruko erakunde publiko, enpresa zein bestelako gizarte eragileen artean.

Argi du Galeseraren Kontseiluak: The Welsh and English languages should be treated on an equal basis. The Welsh Language Board has published guidelines as to the form and content of these schemes, wich have been approved by Parliament.

Honenbestez badirudi kontent leudekela galestarrak, beren hizkuntzak paisaia fisikoan inglesak bezainbesteko presentzia eta protagonismoa izan dezan lortuko balute. Nahasi eta konplexuagoa da gaia, ordea, jakina baita iragarki batean hizkuntza biek tamaina eta tarte antzekoa izanda ere, guztiz desorekatua izan daitekela bertan bataren eta bestearen garrantzia eta funtzionaltasuna, xarma eta eraginkortasuna, (hamaika adibiderekin erakutsi dugunez blog honetan).

Edonola ere, eta gurera etorriz, ez litzateke gauza makala euskarak –galestarren gida-liburuaren aplikazio masibo bati esker–, paisaia fisikoan gaztelerak duen presentzia bera erdietsiko balu. Hemengo parlamentuak ez dakit antzekorik aprobatu ote duen inoiz. Ez dakit, ezta ere, hemen norbaitek halako gidarik egin ote duen. Badakit, ordea, hemengo publizitate agentzia eta enpresetara inork ez duela halakorik helarazi.

Zerbait egi(te)n al dugu enpresek komunikazioa euskaraz ere egin dezaten lortzeko? Ba al dakigu zer egin daitekeen? Norbaitek hartu (nahi) al du ardura hori? Nork hartu behar luke?…

Advertisements

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s